P全球【世界台】Putin用對抗固權力

文 / 周盈成

以下這篇短文,是用教育部公布的臺灣閩南語標準用字寫成。一點都不難,只要認得中文(還用說,不然怎麼讀到這裡)、略通台語, 其實就懂八九成了。還有聲音檔唸給你聽,好多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

Russia總統Vladimir Putin不斷升高佮西方的對抗,毋過這可能失去控制,顛倒害著伊家己。這是《經濟學人》週刊一篇最新文章的觀點。以下是這篇文章的摘要。

舊年底,西方制裁加上油價大落,嚴重打擊Russia的經濟,伊的貨幣rouble對美金的匯率半年間落一半。毋過這馬看來,Russia的經濟並無像彼陣一般預測的遐爾。Rouble的價值也漸漸回升。對Putin來講,這代表伊強硬對抗美國佮歐洲,得著勝利。

照Russia官方的論點,西方當咧對Russia發動全面的攻擊。國營電視台講,歐洲聯盟(EU)是靠重分配前蘇聯共產集團的崩解所取得的利益,來發展起來的,毋過,來自東歐新市場的利益已經漸漸去,歐洲只有繼續向東擴張,佳哉Russia已經阻擋這个擴張。歐盟失去新的財富來源,真緊就會倒。

最近幾個月以來,Russia毋但多次派軍機逼近歐洲國家的邊界,閣幾若擺唱聲欲使用核子武器。分析家講,目前,發生核子戰爭的風險,已經來到自1962年Cuba飛彈危機以來上的程度。

Putin激化對抗的目的,其實是確保伊家己掌握國家的權力。分析家講,前幾年以來,Russia國內的中產階級不滿Putin的權貴統治集團,要求較好的社會政策,in的不滿閣佮來自散赤庄跤的不滿會合,對社會穩定造成挑戰。

Ukraine危機發生後,Russia舊年3月併吞Crimea半島,升高國族主義,成功來壓制國內原本的不滿,加強Putin統治的合法性。

Russia若是真正佮西方開戰,嘛會真食力,毋過伊用威嚇的方式,只要西方有表現出任何弱點,對伊來講攏是一種勝利。

這種情形下,Ukraine的戰事,以及Russia佮西方之間的對抗,若是繼續,就對Putin的國內聲望較有利。

不過,Putin政權這款做法,就敢若吸麻藥仝款,過量會無法度收煞。無定有一工,國內的不滿,會閣共目標uì國外轉倒轉Putin身上,因為政府宣傳之下的美國負面形象,拄好就反映Russia的現實。

 

您可以 留言回應, 或 追蹤

6 篇回應 to “【世界台】Putin用對抗固權力”

  1. W.B. Chen 說:

    讚! 用規範字臺語文來寫新聞。
    臺語毋是干焦會當喙講耳空聽的語言爾,是語文,佮其他語文仝款,會當做無限用途的語文。

  2. 老張 說:

    好酷,可以練台語耶!不然每次講台語,我的發音都被消遣一番……然後雙方就講不下去了~~ 而且這個版本得很好讀!

  3. Awsome 說:

    太棒了 請多發”世界台”的新聞 比起查台語辭典 這是最好的台語教材

  4. Lîm Tshong-Bîng 說:

    欲練台語文來聽兼來看世界台,有聲音嘛有正確的台語文,重要的是有世界的觀點,實在是有夠讚!

  5. Super Masa Tu 說:

    Góa chiah lâi siá ji̍p khì nî-pió…:)Le̍k-sú ê 1 kang.

留言