P全球【世界台】Greece經濟危機 難民愈悽慘

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語, 就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

Greece的經濟財政狀況,國民日子歹過,漂洋過海來的難民嘛著災kheh垃圾塗跤睏、水無夠用,生活條件惡化,聯合國講,Greece現此時已經面臨「前所未有」的難民緊急事態。

聯合國難民署講,坐船來到Greece的難民,目前一日平均就有1000人,今年來的,到7月初統計就已經超過7萬7000人。差不多六成是來自 Syria,其他的來自 Afghanistan、Iraq、Eritrea佮 Somalia 等等。

非政府的「人權觀察」組織11號發表聲明指出,債務問題嚴重的Greece政府無錢嘛無人,根本無法度處理大量的難民,佇幾若个小島頂頭的審查中心,已經面臨人道危機。

人權觀察講,來到遮的小島的人,一般是先關佇予有刺的鐵網圍起來的審查中心,等官方查證佮登記in的身分。佇遮的所在,長期人數過多、衛生不良、食物佮健康照顧不足,生活條件明顯低於國際佮國家標準,可能構成不人道抑是侮辱性的對待。

人權觀察5月佇遮的所在訪問百到的尋求庇護者佮移民。其中一位39歲的婦女來自Afghanistan,伊閣tshuā一个16歲的查某囝,伊講,in 二、三十人一間,有查某嘛有查埔,這使in足驚惶雪文等等的生活用品嘛攏無。有通譯但是無欲佮in講話。另外一个小島上的受訪者講,in一工干焦有30分鐘有水用。

人權觀察講,佇Greece的經濟危機之下,遮的尋求庇護者佮移民是時常予人放袂記的一人,歐洲聯盟應該愛趕緊出較濟力來援助。聯合國難民署講,歐盟最近承諾會收2萬人,in歡迎這个決定,毋過猶閣需要閣較濟的國際合作佮援助。

您可以 留言回應, 或 追蹤

留言