P全球【世界台】壓力大!美國遙控機戰爭無夠人

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語, 就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

美國用遙控飛行機佇中東佮周邊地區作戰,這幾年愈來愈密集,毋過這馬面臨任務縮減,主因是操作人員壓力傷大,大量來離開。遙控機的飛彈不時造成平民死傷,對操作人員的心理衝擊嘛漸漸明顯。

紐約時報6月中報導,美國空軍這站平均一日出動65航次的遙控機偵察佮攻擊任務,是歷史的高峰,十年前的十倍。原本閣計畫欲繼續增加,但是拄著「第一擺嚴重的人員大量離開」,補充嘛袂赴,不得已愛佇10月以前減到一工60航次。

駕駛遙控機的任務,是佇美國本土的基地內底執行。作戰人員離戰場有半粒地球遠,會當下班就轉(tńg)去厝,聽起來真好勢,毋過in定定佇「戰場」佮家庭之間來回,心理調整困難。而且工作量重、值班時間長,長期做落來,真濟人

愈嚴重的,是誤殺平民的結果佮風險,使真濟人員鬱症 抑是創傷後壓力症。報導引用一位指揮官講,外界真濟人叫是駛遙控機作戰袂輸電動,人嘛較無心理負擔,事實證明毋是按呢。

英國記者Pratap Chatterjee長期調查佮批判美國的遙控機戰爭,伊頂禮拜發表的文章有較詳細說明遙控機的編制。一台遙控機有一位駕駛員,佮一位偵測器(攝影機)操作員,in會使開關鈕仔發射飛彈,毋過in的決定著靠影像分析員佮情報分析員提供資訊予in,比如地面的一个物體到底是戰車抑是公車。

遮的分析員通常是學歷佮階級攏較低的少年人,in無決定權,毋過in的任務非常重要,地面的狀況in看上清楚,若是發生誤殺平民事件,in受著的心理衝擊嘛上大。

Chatterjee閣寫講,典型的一遙控機任務,可能需要到186个人分工合作,比傳統的戰鬥機閣較濟,所以共叫做「無人機」真無妥當。

人員離開的另外一个原因是轉(tsuán)去民間,一位退休軍官共紐約時報講,私營的軍事包商付四倍的薪水人。

美國軍方佮CIA三不五時發布新聞講,遙控機佇Syria、Yemen、Pakistan抑是佗位炸死恐怖份子,毋過炸死偌濟平民、造成當地偌大的民怨攏無講。退休的將軍Michael Flynn進前是遙控機戰爭的主導者之一,伊最近接受半島電視台專訪,承認這種戰法可能創造的恐怖份子比消滅的閣較濟。看來,遙控機戰略的上大挑戰,毋是人員不足爾爾

本文特色圖片:美國近來用遙控飛行機於中東地區作戰,圖片中便是名為「MQ-9死神偵察機」(或譯MQ-9收割者)的美軍無人機。By Gerald L Nino [Public domain], via Wikimedia Commons

本文特色圖片:美國近來用遙控飛行機於中東地區作戰,圖片中便是名為「MQ-9死神偵察機」(或譯MQ-9收割者)的美軍無人機。By Gerald L Nino [Public domain], via Wikimedia Commons

您可以 留言回應, 或 追蹤

留言