P全球【世界台】露西亞佇Syria蹛落來矣

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語, 就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

 

那談,Syria猶是看袂著和平。露西亞佇3月講「任務完成」,欲撤出主要ê部隊。現此時看來,其實是換一種方式來控制伊佇中東ê這塊地盤,並且毋管停火協議,繼續轟炸對抗Syria政府ê叛軍。

 

這期《經濟學人》週刊講, 露西亞是減省駐軍,毋捌真正退出,若無袂輸放棄家己ê影響力,而且 Syria讓予Bashar al-Assad總統ê另外一个盟友Iran。露西亞撤回一寡軍機,是欲予Assad了解,kā 露西亞ê幫贊當做理所當然。

 

報導引用一位專家講,露西亞宣布撤軍只是調整概念,意思是伊ê駐軍會佇Syria永遠存在,毋是參與一項特定ê任務爾爾。記者參訪露西亞佇Syria北部ê軍事基地,講佇,Syria ê軍人佇露西亞人頭前完全是細漢ê,愛聽in指揮。兩ê裝備佮紀律嘛差真

 

5月初5,露西亞世界出名ê Mariinsky劇院交響樂團來到Syria ê古城Palmyra,in表演ê台頂,是舊年Islam國捌處決真濟人ê所在。露西亞用這个場面來向世界宣傳in kā 和平帶來這个城市,另外一方面koh咧轟炸叛軍控制ê大城市Aleppo,造成大量ê平民死傷。

 

美國佮露西亞兩大強權繼續咧Syria ê未來。Assad總統koh想欲恢復統治全國,露西亞總統Vladimir Putin並無支持。Assad想欲kā 叛軍完全掃掉,Putin只是欲kā in拍kah佇談判桌頂聽話。最近Assad ê部隊佇地面ê戰爭真無順序,露西亞ê空中支援也減少。

 

毋過分析家Marwan Bishara講,Putin欲用戰爭ê成果來換談判ê勝利,擴大伊佇中東ê影響力,猶是真堅定。露西亞已經咧欲kā Aleppo炸了了,予各國了解,若欲終止Syria ê戰爭,一定愛透過伊。只是露西亞嘛愛細膩,若是升高戰事,無愛讓步,凡勢佇Syria,無法度抽退

 

特色圖片:2013年9月25日,樂施會佇紐約Dag Hammarskjold廣場展出藝術家Eduardo Relero的大型立體畫布作品,內容描繪露西亞總統Vladimir Putin佮美國總統Barack Obama兩人面對面坐佇一張頂懸有Syria地圖的桌仔前,真濟Syria難民圍咧邊仔。 作者:PROOxfam Internationa,以姓名標示─非商業性─禁止改作創用CC 2.0 方式分享。

特色圖片:2013年9月25日,樂施會佇紐約Dag Hammarskjold廣場展出藝術家Eduardo Relero的大型立體畫布作品,內容描繪露西亞總統Vladimir Putin佮美國總統Barack Obama兩人面對面坐佇一張頂懸有Syria地圖的桌仔前,真濟Syria難民圍咧鐵線網外口看。
作者:Oxfam Internationa,以創用CC 2.0 姓名標示─非商業性─禁止改作方式分享。

 

【世界台】Facebook專頁

您可以 留言回應, 或 追蹤

1 篇回應 to “【世界台】露西亞佇Syria蹛落來矣”

留言