P全球【世界台】Trump佮Sanders的外交政策影響

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語, 就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

Donald Trump已經預定會予共和黨提名參選美國總統,伊ê外交政見,普遍予政策界佮觀察者真驚惶,毋過有影反映真tsē美國人ê情緒。準做伊到時無當選,這種情緒猶原是會對今後美國ê對外政策有真大ê影響。

 

佇最近《外交事務》期刊網站ê一篇文章,兩位作者Richard Fontaine佮Robert Kaplan指出,Trump佮民主黨左派ê總統初選候選人Bernie Sanders,攏咧挑戰幾十年來美國內政佮外交政策ê基礎。這兩位非傳統候選人ê支持者對經濟無安定、薪水無起、社會不平等擴大等等現狀感覺真鬱卒,不管是siáng做下一任總統,這種感受攏袂消失

 

 

前國務卿Hillary Clinton佇民主黨ê初選領先,目前一般猶是認為伊佇11月ê大選贏面大,毋過最近有民調指出Trump ê支持率已經超過伊,伊ê支持者已經有危機感。

 

Trump佮Sanders真強烈批判國際貿易協定,包括Barack Obama總統大力咧 ê跨太平洋夥伴關係(TPP),認為是傷害美國工人ê頭路佮收入。In ê壓力致使Clinton 聲明反對已經談成ê TPP,講佮伊當初佇Obama政府內底推動ê無仝。

 

Obama希望佇伊任期內予TPP通過國會ê批准,這做會到猶閣毋知。最近Pew研究中心ê一份民調指出,過半ê美國人認為參與全球經濟是一件「歹代誌」。Fontaine佮Kaplan講,未來成立貿易協定毋是無可能,毋過下一任總統愛提供較好ê社會安全網。

 

仝一份民調mā指出多數ê美國人無贊成美國佇全球ê軍事佮政治介入,認為美國處理家己ê問題就好。Trump佮Sanders攏反映這種孤立主義ê氣氛—-雖然Trump除了講受美國保護ê國家愛完全負擔開銷以外,koh講欲占領Iraq ê油田,《經濟學人》雜誌認為這袂當講是孤立主義,是一種羅馬帝國式ê對外政策,也是一種恐怖ê世界觀。

 

Fontaine佮Kaplan講,美國民眾毋是希望美國攏莫海外ê代誌,是愛較有站節,而且愛明確符合美國ê利益。In佇結論主張,下一任總統猶是有機會打造一套有效koh無貴ê外交政策,重點是愛認清:目前這種民意ê行向,真可能是開始爾爾

 

《經濟學人》ê文章koh講,自tsit-má到大選,美國ê盟邦攏會用驚惶ê心情金金看美國ê民調,Trump當選ê可能性會若像烏雲,佇美國ê每一場國際會談。

 

Donald Trump Presidential candidate Donald Trump speaks at a campaign stop at the Mid-America Center in Council Bluffs, Iowa. Please attribute to Matt A.J. if used elsewhere.

最近有民調指出共和黨Trump ê支持率已經超過民主黨ê Hillary。自tsit-má到大選,美國ê盟邦攏會用驚惶ê心情金金看美國ê民調。特色圖片由 Matt A.J. 拍攝。以創用cc 2.0姓名標示─非商業性方式分享。

 

【世界台】Facebook專頁

您可以 留言回應, 或 追蹤

4 篇回應 to “【世界台】Trump佮Sanders的外交政策影響”

  1. 江朝輝 說:

    今日 (kia-n ji) 看着<世界台>,PNN 用心編寫這款推動台灣話,真感動!
    我欲佮您說一句:勞力、多謝。

  2. 海口人 說:

    siáng=什麼人(蝦米郎=)什人(蝦郎)念快點變成的台語詞彙

  3. Roger Ong 說:

    敖早! 五日節 , 詩人節快樂!! 5/28紀念賴和先122年冥誕-賴和台語漢文”黃虎旗”詩分享
    http://www.news100.com.tw/viewtopic.php?t=35036
    (內有 史豔文出場名句)
    黃俊雄布袋戲-怪老子、二齒考狀元 考對聯
    https://www.youtube.com/watch?v=Fq5fqAHjC3s
    黃俊雄布袋戲-劉三二齒怪老子作對作謎猜
    https://www.youtube.com/watch?v=6edf8Et9X30

    對聯毋是台語, 應該刣掉, 黃俊雄大師用華語漢文分化台灣人嗎!!??
    還是有 國民黨與共產黨一直分化台語文讀音與白話音!!??
    ======
    清末民初思想家、國學大師、革命家章太炎稱普通話是 “金元虜語” 詳細請進下面網址
    KMT 在85%無講北京話的台灣推行國語運動 毀台語毀漢文化 與中國中共文革相比 五十步與百步之差爾!
    中國 “普通話(國語)”,其實是滿族人的蹩腳漢語
    台灣語言文化轉型正義由拍破”國語的神話” , 拍破”文化中國神話” 開始!!
    http://tw-buddha.com/forum3/index.php?showtopic=11845&st=2576
    ===

    台語白話音重要, 漢文 文讀音也愛加減練一刮!!
    讀冊音 台語白話也定定用文讀音
    如 : 汝有u7心無? (有u7白話音)
    有線電視台 (有 iu2 文讀音)
    有限公司 (有 iu2 文讀音)
    更多台語白話用詞 需用漢文讀冊音之例 與討論面冊社團
    https://www.facebook.com/groups/434167333333483/permalink/1025552050861672/

    在台語白話音社團 貼之文章, 消除漢韻文白藩籬

留言