P全球【世界台】欲脫離印尼ê西Papua獨立運動

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語, 就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

 

知影東南亞有一个土地面積瑞典差不多ê所在,有爭取獨立ê運動,而且最近敢若koh-khah活動起來?彼就是印尼ê西Papua,頂禮拜三,民眾行街頭,要求舉辦獨立公投,有千人予印尼警方起來。

 

西Papua,是世界第二大島New Guinea ê西半爿,以行政區來講,是印尼ê Papua佮西Papua兩个省。ê原住民是Papua人,in的種族佮語言,攏佮海洋東南亞ê南島民族無仝。主要ê宗教是基督教,毋是印尼優勢ê Islam。

 

6月15,數千民眾佇西Papua佮印尼ê幾若个城市示威,訴求包括西Papua加入區域ê政府間組織,佮佇國際監督之下舉辦公民投票,決定是毋是欲獨立建國。媒體報導,佇Papua省ê首都Jayapura,就有超過1000人予警察逮捕、拘留。

 

西巴布亞獨立運動

西Papua全國委員會(KNPB)6月15號舉辦自由西Papua抗議活動。(自由西Papua運動面冊專頁)

流亡佇英國ê西Papua獨立運動領袖Benny Wenda發佈聲明講,佇其他所在嘛有百外人予軍警掠去,最近兩個月以來,已經有差不多3000人因為和平示威被捕。

 

Wenda講印尼政府是「殘暴ê佔領者、殖民政權」,自1969年併吞西Papua以來,已經刣死50萬人,到tann,當地人猶是無民主佮言論自由。印尼官方否認這種講法。

 

印尼自1998年開始民主化,最近咧調查進前發生佇西Papua ê濟濟侵害人權事件,毋過獨立運動團體認為這攏是假,要求公正ê國際調查團介入。

 

西Papua往過佮印尼ê其他部份仝款,受著荷蘭殖民。二次大戰後,以Java島為中心ê印尼獨立了後,荷蘭koh繼續控制西Papua,有準備欲予伊另外獨立。毋過佇印尼ê壓力之下,西Papua經過聯合國機制被交予印尼「暫時管理」,條約規定西Papua ê命運未來愛由住民公投決定。結果佇1969年,印尼千外个人做「代表」,強逼in投票贊成統一,就按呢統治到tann。

 

雖然國際現實對西Papua獨立運動不利,猶是有真濟非政府人士出聲支持西Papua自決,包括南非ê 前大主教Desmond Tutu佮英國工黨領袖Jeremy Corbyn。

 

西巴布亞獨立運動

特色圖片:西Papua全國委員會(KNPB)佇6月15號舉辦自由西Papua抗議活動,參加的西Papua人民握拳頭拇表達決心。(相片來源:自由西Papua運動面冊專頁)

 

【世界台】Facebook專頁

您可以 留言回應, 或 追蹤

1 篇回應 to “【世界台】欲脫離印尼ê西Papua獨立運動”

  1. Tim 說:

    跟台灣有87分像

留言