P全球【世界台】英國脫歐ê地緣政治轉移

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語, 就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

英國人決定脫離歐洲聯盟,對世界地緣政治ê影響可能會真深遠。首先是歐盟ê體質會改變,評論者講,這對露西亞總統Vladimir Putin來講,勢面真有利。對美國來講,真

 

前美國駐露西亞大使Michael McFaul 寫文章講,英國是歐盟內面親美佮上堅定反對露西亞擴張ê會員國之一。英國歐,表示以後無這票影響歐盟ê政策矣。就親像一位露西亞官員知影公投結果了後,真樂暢佇Twitter面頂講ê:「這毋是英國歐盟獨立出來,是歐盟uì美國獨立出來。」

 

英國公投「脫歐」了後,一名主張「留歐」人士,提一面歐洲旗佇 London 議會廣場抗議。

英國公投「脫歐」,一名主張「留歐」人士,提一面歐洲旗佇 London 議會廣場抗議。圖片作者:Kotomi Creations,以創用CC2.0 姓名標示-非商業性方式授權。

軍力佮外交經驗一流ê英國出走,歐盟一大部份ê資源、人才佮能力抽走,使歐洲弱化。雖然英國政府會繼續和歐洲合作,毋過佇會員ê會議桌頂佮佇外口,猶是差真。歐盟內底,各國對露西亞ê態度也有差別。主張對露西亞較軟ê,今後會較好做代誌;較硬ê,會較費氣

 

McFaul講,第一个考驗,就是對露西亞ê制裁,這是兩年前因為露西亞併吞Crimea佮軍事介入Ukraine東部,歐美聯手實施ê。將來,歐盟koh堅持落去?

 

英國方面,紲落來ê幾若年,攏會用足濟氣力歐盟協調分手ê條件,佮處理國內ê挑戰,甚至Scotland可能獨立。到時一个實力衰退ê英國,顧家己袂赴,McFaul感嘆,英美兩國「特殊關係」上好ê日子,大概已經不再矣。

 

脫歐ê英國猶原是北大西洋公約組織(NATO)ê會員國;準做Scotland有一日分出去,英國佇聯合國安全理事會ê常任理事席次,也袂改變。毋過《衛報》ê分析指出,英國特別ê國際影響力,有真大部份是因為伊同時是歐盟成員。比論Iran核子協議,英國就是透過歐盟機制參與ê。失去歐盟內角色ê英國,佇其他所在ê影響力mā會降低。

 

2016 Brexit

特色圖片作者 Tomek Nacho,以創用CC2.0 姓名標示─禁止改作方式授權。

 

您可以 留言回應, 或 追蹤

留言