P全球【世界台】機器人炸彈解決嫌犯 敢有問題?

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語, 就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

美國Dallas拜四發生兇手開共五个警察死的慘案。落尾警方是用遙控的機器人頂頭炸彈,去共佇停車場繼續抵抗的嫌犯炸死。這種手法是美國警方頭一遍使用,引起真討論。以後警察的執法,敢會愈來愈戰爭?

 

合法性是真濟媒體問著的問題。專家普遍認為並無違法,法律教授Eugene Volokh講,若是警方合理相信一个人對其他的人的性命構成馬上的危險,而且只有共伊死,才會當防止這項危險,in會當按呢做。毋管是用銃抑是機器人炸彈,in愛遵守的法律程序是仝款的。

 

另外一位法律教授Ryan Calo講,這改的情形無產生啥物新的法律議題,眾人若感覺礙虐,是因為袂慣勢:逐家接受警方佇正當的情形下會當刣死人,但是上好是用較通常的方式,就是開銃。用機器人加炸彈,用刀仔抑是用鐵砧仝款,攏會予人感覺不安。

 

可能不止,因為機器人會予人聯想著伊敢是自動的、敢會佇現場家己做反應。目前並無按呢,毋過猶原有人會想著未來科技發展的可能性。重點是:重要的動作猶是愛由人來做決定,袂當予機器人家己來。

 

Mā有評論者聯想著美國佇中東用無人飛行機來炸死敵人,質疑佇美國的領土頂頭執法,煞用類似戰爭的手法,執法佮戰爭的界線恐驚會去。

 

毋過用機器人對付嫌犯,邏輯上也無一定會更加暴力,抑是會予執法者愈傾向刣死人。有人就講,若是未來技術閣較進步,機器人會當用非致命的方式壓制嫌犯,抑是予伊昏迷 ,按呢甚至會當避免共伊彈死。

 

特色圖片:美國Dallas警方頭一遍使用炸彈機器人死犯罪嫌犯,引發爭議。這張圖是美國North Carolina州 Greensboro市警方炸彈小隊的機器人。相片作者:trailersoftheeastcoast,以創用CC 2.0 姓名標示條款 (CC BY 2.0) 授權。

特色圖片:美國Dallas警方頭一遍使用機器人炸彈炸死嫌犯,引發爭議。這張圖是美國North Carolina州Greensboro市警方炸彈小隊的機器人。相片作者:trailersoftheeastcoast,以創用CC 2.0 姓名標示條款 (CC BY 2.0) 授權。

 

【世界台】Facebook專頁

您可以 留言回應, 或 追蹤

留言