P全球【世界台】共和黨進入Trump新時代

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語, 就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

美國共和黨的全國代表大會拜一佇Ohio州的Cleveland起鼓欲提名Donald Trump選總統。雖然大會團結的口號,真明顯,這佮今年這位候選人的風格特別袂合軀,不管是佇黨內抑是全國。

 

Trump初選一路贏,毋過伊偏離共和黨的保守主義正統,黨內的傳統勢力幾若遍想欲落來,攏無成功。拜一佇大會,伊的反對者閣試一擺,想欲修改提名規則,用點名表決,來取代全體喝聲的形式,意思是希望有的代表到時會違反初選的結果,至少予Trump歹看。結局這擺也失敗矣,干焦演出無仝陣營互相喝咻的罕見混亂場面。

 

這場四工的大會,真濟重要的黨內大攏袂出席,包括兩位Bush前總統家族的人、兩位前總統候選人Mitt Romney佮John McCain。Trump的查某囝Ivanka批評講遮的人無想欲參與未來。

 

特色圖片:連鞭欲予美國共和黨全國代表大會提名做總統候選人的 Donald Trump 佮 in 某 MELANIA TRUMP。相片來源:Disney | ABC Television Group,以創用CC 2.0 姓名標示─禁止改作條款授權。

Donald Trump 佮 in 某 MELANIA TRUMP。相片來源:Disney | ABC Television Group,以創用CC 2.0 姓名標示─禁止改作條款授權。

有歷史的共和黨,已經咧配合新來的Trump修正黨的路線。公佈的大會政綱草案,納入Trump出名的譀古政見:佇美國佮Mexico的邊界起一堵牆。

 

《紐約時報》的社論講,這份文件,是「記持內上極端的共和黨政綱」,佇每一項議題頂頭,攏選擇上極端的立場,包括要求公立中學內底愛教聖經、塗炭清氣能源、聯邦土地還予各州、選派「家庭價值」的法官。對同性戀的敵視尤其厲害,毋但反對同性婚,甚至主張生理人會當拒絕服務同性戀者。

 

文章講,可見這馬的共和黨,是一个退步、極端的核心咧主導,in「破壞性的」政見,毋但參美國人的生活疏遠,也「缺欠這个國家的政治欲有任何進步所需要的常識」。

 

《金融時報》的一篇評論講,Trump肯定上烏暗的人性,共in正當化,伊示範會當按怎透過共過錯予幾種人口,來peh上世界上重要的民主國家的頂層。作者Edward Luce講,人的尊嚴,是民主的根基,Trump當咧帶領西方社會離開這个根基,這是伊危害上嚴重的所在。

 

特色圖片:連鞭欲予美國共和黨全國代表大會提名做總統候選人的 Donald Trump。相片來源:Disney | ABC Television Group,以創用CC 2.0 姓名標示─禁止改作條款授權。

連鞭欲予美國共和黨全國代表大會提名做總統候選人的 Donald Trump。相片來源:Disney | ABC Television Group,以創用CC 2.0 姓名標示─禁止改作條款授權。

特色圖片:連鞭欲予美國共和黨全國代表大會提名做總統候選人的 Donald Trump。相片來源:Disney | ABC Television Group,以創用CC 2.0 姓名標示─禁止改作條款授權。

特色圖片:Donald Trump 欲帶領共和黨行向啥物款的未來?相片來源:Disney | ABC Television Group,以創用CC 2.0 姓名標示─禁止改作條款授權。

 

【世界台】Facebook專頁

您可以 留言回應, 或 追蹤

1 篇回應 to “【世界台】共和黨進入Trump新時代”

  1. 李惠雯 說:

    我向望通好寫一寡仔台語新聞。

留言