P全球【世界台】歡迎難民政策滿一年 無仝款ê德國

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語, 就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

一年前,德國決定開大門,歡迎來自中東ê難民。一年到tann,入來ê移民超過100萬人, 德國改變in ê人生,家己改變真tsē。為著這个政策,總理Angela Merkel ê政黨佇幾工前ê地方選舉,予選民kah

 

德國《鏡》週刊整理這一年以來ê發展,講初期政府無法度應付大量移民ê狀況,佇後半年已經有明顯ê改善。一方面是入來德國ê人數一個月比一個月減少,這koh有兩个原因,一个是東南歐ê國家 Balkan半島ê路線封起來矣;一个是歐盟佮Turkey達成ê合作處理難民協議,毋過這个合作關係,佇Turkeyê失敗政變了後,變kah較歹預測。

 

另外是德國用真tsē氣力來處理移民問題,聯邦移民和難民局(BAMF)ê職員人數,舊年初是2300人,tsit-má 增加到8000人,來消化積kah若山ê申請庇護案,目前猶有超過50萬件猶未決定。官員講,進前複雜ê案件有可能拖 kah超過半冬,tsit-má in ê目標是kā單純ê新案件佇48點鐘以內結束。

 

ê問題mā穩定咧改善,政府起真tsē住宅予移民蹛,當初kā in收容ê體育館抑是緊急安置所漸漸空出來。報導講,現在正港ê考驗是:德國敢有法度kā遮的大量ê新住民整合入社會。

 

創用 CC 2.0 姓名標示─非商業性條款授權。

德國漢堡一所空學校作為難民收容中心。作者:Rasande Tyskar。以創用 CC 2.0 姓名標示─非商業性條款授權。

 

佇2014佮2015年,就有33 萬个難民兒童佮青少年進入德國學校,構成全體學生ê 2%。為著按呢,全國加1萬2000位教師,但是有估計講猶閣欠2萬位。有ê州koh拜託已經退休ê老師轉來教。

 

就業方面,政府有佮企業合作,來 kā難民安排頭路,毋過tsit-má 做全職工課ê難民kan-na 400个,另外有2000外人咧實習或者是接受訓練。語言佮教育程度是大問題。毋過因為難民大部份猶少年,政府希望透過教育佮訓練來改善狀況。

 

但是不滿移民潮ê民意mā咧升,9月初4 ê Mecklenburg-Vorpommern州議會選舉是一擺大展示。這是Merkel總理選區所在ê州,伊ê基督教民主黨(CDU)輸kah真歹看,得票率五年前ê 23%kah19%,排第三,佇反移民ê德國另項選擇黨(AfD)後壁。

 

《鏡》ê這篇報導落尾講,德國社會為著移民問題造成ê分裂,敢會抑是底時會當補起來,猶閣真歹講。

 

作者:Rasande Tyskar。以創用 CC 2.0 姓名標示─非商業性條款授權。

特色圖片:舊年初佇德國 Hamburg 工會運動者佮學生團體舉行伨難民遊行。作者:Rasande Tyskar。以創用 CC 2.0 姓名標示─非商業性條款授權。

 

【世界台】Facebook專頁

您可以 留言回應, 或 追蹤

留言