P全球【世界台】Kashmir佮南亞水戰爭ê危機

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語,就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

印度佮Pakistan佇Kashmir衝突升,最近半個月ê 軍事行動已經造成至少20个人死亡。佇各種設想ê戰爭危機內底,有一層,是水ê戰爭,有分析家講,若準發生,恐驚是毀滅性ê。

 

印巴兩國佇Kashmir有領土糾紛,兩國實際上以一條「控制線」為界 。9月18暗時,一武裝份子uì巴國彼爿過控制線去偷襲印度ê兵營,死18个軍人。印度也死四个來犯者,講in是恐怖組織ê成員,並且指控Pakistan支持遮的組織。29號,印度報仇,宣稱對巴國Kashmir境內的恐怖組織發動「外科手術式」ê攻擊成功 。這聲換Pakistan抗議,講in有兩个軍人犧牲。

 

自今年7月,印度ê Kashmir爆發親Pakistan ê示威,印度鎮壓死80人,這个敏感ê地區又koh動亂起來。佇最近一波ê兩國相嚷當中,印度ê官員唱聲欲廢除「印度河水協定」。

 

這个協定,是1951年印巴兩國經過世界銀行協調簽ê,同意共同管理印度河盆地ê水源。印度河主流流貫Pakistan,是這个焦燥ê國家主要ê水源,毋過這條河佮支流ê上游來自印度佮印度彼爿ê Kashmir。

 

Pakistan回應講,印度若這个協定,就是一項「戰爭行為」。在Pakistan看來,這代表印度準備欲佇水頭起水壩,伊ê性命線咧,這是足嚴重ê代誌。

 

美國ê南亞政治專家Michael Kugelman講,印度若án-ne做,會造成「人道大災難」。因為Pakistan是全世界水源壓力上大ê國家之一:伊ê每人平均可用水量拄好佇欠水ê邊緣;伊ê經濟上主要是靠用水真傷ê農業;地下水ê存量真危險。

 

Kugelman研判印度mā可能毋敢án-ne做,主要是會受著國際譴責佮反制。另外,這會起一个危險ê例,予Pakistan ê盟友中國,mā有借口共雅魯藏布江的水起來, 損蕩下游ê印度東北部。相關工程早就咧進行,印度mā一直足煩惱。

 

話那咧講爾,也毋知敢有關連,9月30,中國就宣佈已經共雅魯藏布江ê一條支流閘起來,準備提早起水壩。《印度時報》講,中國無定著只是咧共印度嚇驚,但是既然印度有這个弱點,印度政府這時煞提起印度河水協定,予真專家意外。

 

特色圖片:Pakistan 主要的水源印度河佮支流,水 頭攏佇印度這爿的 Kashmir。作者:ashokboghani,以創用 CC 姓名標示─非商業性 2.0 條款授權。

特色圖片:Pakistan 主要水源印度河,水頭佇印度這爿的 Kashmir。作者:ashokboghani,以創用 CC 姓名標示─非商業性 2.0 條款授權。

 

【世界台】Facebook專頁

 

您可以 留言回應, 或 追蹤

1 篇回應 to “【世界台】Kashmir佮南亞水戰爭ê危機”

  1. Francis 說:

    研判gián-phuànn

留言