P全球【世界台】美國佇Yemen ê戰爭角色

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語,就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

Syria以外,中東有另外一个國家,這站也是不時天頂落炸彈,炸死平民,但是koh較罕得受著國際關注,彼就是Yemen。佇,Saudi Arabia做頭ê聯軍被指控犯戰爭罪。美國對Saudi提供軍事支援,責任受著質疑。

 

這個月初八,Yemen ê首都Sana’a發生驚動世界ê慘案:阿拉伯聯軍ê軍機炸彈佇一个喪禮會場, 炸死140个人,傷者有600外。

 

Yemen散赤koh長年內戰。2014年,Shia派ê Houthis叛軍攻佔首都,伊ê後壁有Iran咧相。支持原政府ê Sunni派強權Saudi幾若个鄰國組聯軍,舊年3月開始轟炸叛軍控制ê地區。這遍in攻擊ê喪禮,就是叛軍政府ê內政部長為伊ê老爸辦ê,所以有袂少官員出席,毋過平民mā真

 

非政府組織人權觀察發聲明講,這種刁工抑是至少毋避免攻擊平民ê行動,真明顯已經構成戰爭罪。進前Saudi就直直轟炸學校、市場、病院、婚禮等等ê平民目標。19個月以來,Yemen佇戰火中死亡ê平民,照聯合國統計,已經有4000

 

Saudi是美國佇中東重要ê盟友,美國賣真濟武器予伊,mā佇這場戰事內底提供目標ê資訊佮替戰機加油。這ê喪禮慘案了後,美國表示不滿,講欲繼續減少對Saudi ê支持,並且呼籲各方停火。

 

Reuters通訊社頂禮拜報導講,美國政府內部進前就有辯論,有官員真煩惱美國會因為Saudi過份ê行為,牽連著戰爭罪。

 

毋過無幾仔,美國ê軍艦就射飛彈共Houthis ê三个雷達基地炸掉,講是自衛,因為對方先發動無成功ê飛彈攻擊。這是這場衝突內底,美國第一擺直接出手攻擊。

 

美國作家Moustafa Bayoumi講,美國總統大選鬧熱,選民煞無注意著國家可能koh會入去一場殘害平民koh歹收煞ê戰爭。伊呼籲兩大黨ê候選人愛共對Yemen ê政策講清楚。

 

特色圖片:Yemen 首都 Sana'a 的街頭,2007年。作者:eestl,以創用CC 姓名標示─非商業性─禁止改作 2.0 條款授權。

特色圖片:Yemen 首都 Sana’a 的街頭,2007年。作者:eestl,以創用CC 姓名標示─非商業性─禁止改作 2.0 條款 授權。

 

【世界台】Facebook專頁

您可以 留言回應, 或 追蹤

留言